ព័ត៌មានប្រចាំថ្ងៃ / ព័ត៌មានអន្តរជាតិ
ជប៉ុនចាប់សកម្មជនចិន៥នាក់នៅកោះជម្លោះ
ប្រទេសជប៉ុនបានចាប់ខ្លួនសកម្មជនចិន៥នាក់កាលពីថ្ងៃពុធ ទី១៥ សីហា បន្ទាប់ពីពួកគេជិះទូកទៅឡើងលើកោះមួយដែលអះអាងជាកម្មសិទ្ធិដោយប្រទេសជប៉ុន និងចិន។
នាវានេសាទមួយដែលដឹកពួកសកម្មជនប្រមាណ១០នាក់ ទៅពីហុងកុង ម៉ាកាវ និងចិនត្រូវបានតាមដេញពីក្រោយនាវាល្បាតជប៉ុនរាប់សិបគ្រឿង និងស្ថិតក្រោមការបាញ់ទឹកដាក់តែពួកគេនៅតែជម្នះទៅដល់កោះជម្លោះ។
សកម្មភាពទាមទារទឹកដីនេះ បានកើតឡើងចំពេលរដ្ឋមន្ត្រីចំនួន២នាក់នៃគណៈរដ្ឋមន្ត្រីជប៉ុនបានធ្វើទស្សនកិច្ចនៅទីធ្វើសក្ការបូជាដ៏ចម្រូងចម្រាស់មួយនៃសម័យសង្គ្រាមនៅថ្ងៃពុធទី១៥ សីហា គឺនៅថ្ងៃខួបនៃការចុះចាញ់សង្គ្រាមរបស់រដ្ឋាភិបាលក្រុងតូក្យូ ក្នុងសង្គ្រាមលោកលើកទី២។
ការធ្វើទស្សនកិច្ចទៅកាន់ទីធ្វើសក្ការបូជាដ៏ចម្រូងចម្រាស់នេះ ធ្វើអោយប្រទេសកូរ៉េខាងត្បូងកាន់តែមានកំហឹងបន្ថែមទៀតទៅលើជម្លោះប្រជុំកោះ។ ដំណើរទស្សនកិច្ចទៅកាន់ទីធ្វើសក្ការបូជាដោយ រដ្ឋមន្ត្រីរដ្ឋាភិបាលជប៉ុនទាំងនេះ បានបណ្តាលអោយមានកំហឹងតវ៉ានៅប្រទេសចិន និងនៅឧបទ្វីបកូរ៉េ ដែលមនុស្សជាច្រើនមានអារម្មណ៍ថា ជប៉ុនមិនបង្ហាញការសុំទោស ឬការសោកស្តាយចំពោះទង្វើដ៏ឃោរឃៅរបស់ ខ្លួនក្នុងសម័យសង្គ្រាមនេះទេ។
ក្រសួងការបរទេសចិនកាលពីថ្ងៃ ពុធបាននិយាយថាបញ្ហាសំខាន់គឺ"ថាតើជប៉ុនអាចទទួលស្គាល់និង ប្រព្រឹត្តចំពោះប្រវត្តិឈ្លានពានតាមផ្លូវត្រឹមត្រូវ ថាតើអាចគោរពអារម្មណ៍របស់ជនរងគ្រោះនៅបណ្តាប្រទេសអាស៊ីដែរឬអត់"។
ក្រសួងការបរទេសចិនបន្តទៀតថា វាមានសារសំខាន់ផងដែរ ដែលជប៉ុនអាចសម្លឹងទៅក្នុងកញ្ចក់ប្រវត្តិសាស្ត្ររៀនមេរៀនរបស់ខ្លួន កាន់ដៃជាមួយប្រជាជនអាស៊ីដើម្បីប្រឈមអនាគត៕
នាវានេសាទមួយដែលដឹកពួកសកម្មជនប្រមាណ១០នាក់ ទៅពីហុងកុង ម៉ាកាវ និងចិនត្រូវបានតាមដេញពីក្រោយនាវាល្បាតជប៉ុនរាប់សិបគ្រឿង និងស្ថិតក្រោមការបាញ់ទឹកដាក់តែពួកគេនៅតែជម្នះទៅដល់កោះជម្លោះ។
សកម្មភាពទាមទារទឹកដីនេះ បានកើតឡើងចំពេលរដ្ឋមន្ត្រីចំនួន២នាក់នៃគណៈរដ្ឋមន្ត្រីជប៉ុនបានធ្វើទស្សនកិច្ចនៅទីធ្វើសក្ការបូជាដ៏ចម្រូងចម្រាស់មួយនៃសម័យសង្គ្រាមនៅថ្ងៃពុធទី១៥ សីហា គឺនៅថ្ងៃខួបនៃការចុះចាញ់សង្គ្រាមរបស់រដ្ឋាភិបាលក្រុងតូក្យូ ក្នុងសង្គ្រាមលោកលើកទី២។
ការធ្វើទស្សនកិច្ចទៅកាន់ទីធ្វើសក្ការបូជាដ៏ចម្រូងចម្រាស់នេះ ធ្វើអោយប្រទេសកូរ៉េខាងត្បូងកាន់តែមានកំហឹងបន្ថែមទៀតទៅលើជម្លោះប្រជុំកោះ។ ដំណើរទស្សនកិច្ចទៅកាន់ទីធ្វើសក្ការបូជាដោយ រដ្ឋមន្ត្រីរដ្ឋាភិបាលជប៉ុនទាំងនេះ បានបណ្តាលអោយមានកំហឹងតវ៉ានៅប្រទេសចិន និងនៅឧបទ្វីបកូរ៉េ ដែលមនុស្សជាច្រើនមានអារម្មណ៍ថា ជប៉ុនមិនបង្ហាញការសុំទោស ឬការសោកស្តាយចំពោះទង្វើដ៏ឃោរឃៅរបស់ ខ្លួនក្នុងសម័យសង្គ្រាមនេះទេ។
ក្រសួងការបរទេសចិនកាលពីថ្ងៃ ពុធបាននិយាយថាបញ្ហាសំខាន់គឺ"ថាតើជប៉ុនអាចទទួលស្គាល់និង ប្រព្រឹត្តចំពោះប្រវត្តិឈ្លានពានតាមផ្លូវត្រឹមត្រូវ ថាតើអាចគោរពអារម្មណ៍របស់ជនរងគ្រោះនៅបណ្តាប្រទេសអាស៊ីដែរឬអត់"។
ក្រសួងការបរទេសចិនបន្តទៀតថា វាមានសារសំខាន់ផងដែរ ដែលជប៉ុនអាចសម្លឹងទៅក្នុងកញ្ចក់ប្រវត្តិសាស្ត្ររៀនមេរៀនរបស់ខ្លួន កាន់ដៃជាមួយប្រជាជនអាស៊ីដើម្បីប្រឈមអនាគត៕
ផ្ដល់មតិ  |
ជប៉ុនចាប់សកម្មជនចិន៥នាក់នៅកោះជម្លោះ ... 16-08-2012 | ||
ទំព័រ 1 នៃ 1
|
|||
