នៅក្នុងខ្លឹមសារលិខិតស្ថានទូតកម្ពុជាប្រចាំប្រទេសថៃចុះថ្ងៃទី២៣ ខែកក្កដា ឆ្នាំ២០១២ ធ្ញើជូនលោក ធុលសាធិត តាបធិម និពន្ធនាយក ការសែតឌឹណេសិនបានលើកឡើងថា ខ្ញុំឆ្លើយតបទៅនឹងអត្ថបទសរសេរដោយ Vint Chavala មកពីស្រុកlamphun ដែល​ចុះ​ផ្សាយ​ផ្នែក​លិខិតទៅកាន់អ្នកនិពន្ធរបស់កា​សែត​លោកកាលពីថ្ងៃទី២២ខែកក្កដាឆ្នាំ២០១២ ក្រោ​ម​​ចំណងជើងថា កម្ពុជាបន្ទាបបន្ថោកប្រធានអាស៊ាន ដូចខាងក្រោម៖

ខ្ញុំបានពន្យល់យ៉ាងច្បាស់រួចហើយថា​ហេតុអ្វីកិច្ចប្រជុំរដ្ឋមន្រ្តីការបរទេសអាស៊ាន​លើកទី​៤៥ មិនអាចចេញសេចក្តីថ្លែងការណ៍រួមបាននៅចុងបញ្ចប់នៃកិច្ចប្រជុំ នៅក្នុងលិខិត​របស់​ខ្ញុំចុះថ្ងៃទី១៧ ខែកក្កដា ឆ្នាំ២០១២ឆ្លើយតបទៅនិងទស្សនៈរិះគន់ដោយ មានការយល់​ខុស​​នៅក្នុងអត្ថបទដែលមានចំណងជើងថា កម្ពុជាបាននិងកំពុងធ្វើអោយអនា​គតរបស់​អា​​​ស៊ានស្ថិតក្នុងហានិភ័យ ដែលបានចុះផ្សាយនៅក្នុងការសែតឌឹណេសិនកាលពីថ្ងៃទី១៥ កក្កដា។ម្ចាស់អត្ថបទឈ្មោះ Vint Chavala គួរតែមើលលិខិត​ឆ្លើយតបរបស់​ខ្ញុំកាលពី​ថ្ងៃ​ទី១៧​ខែកក្កដា នេះ។

លិខិតស្ថានទូតកម្ពុជាប្រចាំប្រទេសថៃដដែលបានបន្តថា ចំពោះអ្នកដែលមានគតិយុត្តិ​ធម៌​គ្រប់​គ្រាន់ គេពិតជាយល់ស្របតាមយោបល់ឱ្យប្តូរចំណងជើងអត្ថបទរបស់ឈ្មោះ Vint Chavala កម្ពុជាបន្ទាបបន្ថោកប្រធានអាស៊ាន ទៅជា សមាជិកអាស៊ានពីរ​បន្ទាប​បន្ថោក​ប្រ​ធាន​អាស៊ាន វិញដោយសារហេតុផលដោយខាងក្រោម ៖

 ទី១- សេចក្តីថ្លែងការណ៍របស់រដ្ឋមន្រ្តីការបរទេសអាស៊ានអំពី ៦ចំនុច ជាគោលការ​ណ៍​ស្តី​ពី​សមុទ្រចិនខាងត្បូង ដែលចេញផ្សាយកាលពីថ្ងៃទី២០ ខែកក្កដា ឆ្នាំ២០១២ពុំមាន​លើក​ឡើង​ដោយត្រង់ៗអំពីទំ​នាស់ទ្វេភាគីសោះឡើយ។ក្នុងអំឡុង​ពេលកិច្ចប្រជុំមិន​ចំហរជា​ច្រើ​ន​​លើក កម្ពុជាបានលើសំណើរដូចគ្នាបេះដាក់ទៅនិង៦ ចំនុចជាគោលការណ៍​របស់​អា​ស៊ាន ទោះបីជាមិនត្រូវលំដាប់លេខពី១ ដល់៦ ក៏ដោយ។​សំណើរ​របស់​កម្ពុ​ជាត្រូវ​បាន​ទទួ​លយកដោយរដ្ឋមន្រ្តីការបរទេសអាស៊ានទាំងអស់លើកលែងតែរដ្ឋសមាជិកអាស៊ានពីរដែ
លមានទំនាស់ទឹកដីទ្វេភាគីនៅសមុទ្រចិនខាងត្បូង។

 ទី២ -ប្រទេសទាំងពីរនេះបានយកការទាមទារឱ្យបញ្ចូលពាក្យពេជ្រត្រង់ៗពី ទំនាស់ទ្វេ ភា គី នៅសមុទ្រចិនខាងត្បូងធ្វើជាល័ក្ខខណ្ឌដែលត្រូវតែបំពេញមុននឹងគេឯកភាព លើសេច ក្តី ថ្លែងការណ៍រួមនៃកិច្ចប្រជុំរដ្ឋមន្រ្តីការបរទេសអាស៊ាន លើកទី៤៥។គោលជំហរគ្មាន សម្ប ទានរបស់ប្រទេសទាំងពីរនេះគឺមិនអនុញ្ញាតឱ្យចេញសេចក្តីថ្លែងការណ៍រួមទេ បើ សិនជាការទាមទារបស់ពួកគេមិនបានដូចបំណង។ នេះគឺជាការបញ្ជាក់យ៉ាង ច្បាស់ថាន ណាជាអ្នកទទួលខុសត្រូវធ្វើឱ្យ អស្ថេរភាព អាស៊ានដូចបានលើក ឡើងក្នុងអត្ថ បទរបស់ ឈ្មោះ Vint Chavala។

នៅក្នុងខ្លឹមសារលិខិតស្ថានទូតកម្ពុជាបានលើកឡើងទៀតថា ជាការ ពិតណាស់ដែល នេះជាលើកទីមួយហើយក្នុងជីវីត៤៥ឆ្នាំរបស់អាស៊ានដែលកិច្ចប្រជុំរដ្ឋមន្រ្តីការបរទេសអា
ស៊ានខកខានមិនបានចេញសេចក្តីថ្លែងការណ៍រួម។ក៏ប៉ុន្តែគេគួរតែទទួលស្គាល់ដែរថានេះ
ជាលើកទីមួយក្នុងរយះពេល៤៥ ដែលរដ្ឋអាស៊ានពីរដែលរដ្ឋសមាជិកអាស៊ានពីរបាន ប្លន់ យក កិច្ចប្រជុំរដ្ឋមន្រ្តីការបរទេសអាស៊ាននិងយកសេចក្តីថ្លែងការណ៍រួមមកធ្វើជា ចំណាប់ ខ្មាំង នៃទំនាស់ទ្វេភាគីរបស់ពួកគេ។ មកទល់និងពេលកិច្ចប្រ ជុំរដ្ឋមន្រ្តីការបរ ទេសអា ស៊ាន លើកទី៤៥ អាស៊ានជានិច្ចកាលតែងប្រកាន់ទំលាប់ទុករាល់បញ្ហាដែលគ្មានកុងសង់ ស៊ីសមួយឡែកសិនសម្រាប់យកទៅពិភាក្សានាពេល អនាគត់។ដូច្នេះនេះជាប្រការដែល មិន ធ្លាប់មានពីមុនមកទេ ដែលរដ្ឋសមាជិកអាស៊ានពីរ បានដាក់ឱសានុវាទរាំងស្ទះមិន ឱ្យ ចេញសេចក្តីថ្លែងការណ៍រួមរបស់កិច្ចប្រជុំរដ្ឋមន្រ្តីការបរទេសអាស៊ាន លើក ទី៤៥។

លិខិតបានបញ្ជាក់ថា ក្នុងនាមជាប្រធានអាស៊ាន និងដូចជាតួនាទីប្រធាន កិច្ចប្រជុំឯ ទៀត ដែរ កម្ពុជាបានព្យាយាមទប់ស្កាត់មិនឱ្យទំនាស់រីករាលដាលគ្រប់គ្រងលែងបាន។ ជាការ ពិតបំណងរបស់កម្ពុជាគឺទុកទ្វារឱ្យនៅចំហរសំរាប់អោយប្រទេសដែលពាក់ព័ន្ធពិភាក្សាគ្នានៅថ្ងៃមុខ។ ក្នុងនាមជាប្រធានអាស៊ានកម្ពុជាជឿជាក់ថាគ្មានដំណោះស្រាយល្អជាងនេះទៀតទេដើម្បីបន្ថយភាពតានតឹង និងស្វែងរកដំណោះស្រាយដោយសន្តិវិធីនិងមិត្តភាពលើទំនាស់នេះ៕