គណៈកម្មាធិការជាតិ រៀបចំការបោះឆ្នោត ហៅកាត់ថា(គ.ជ.ប.) នៅថ្ងៃទី២៤ មិថុនា ឆ្នាំ២​០​១២ បានប្រកាសលទ្ធផល ជាផ្លូវការ នៃការបោះឆ្នោត ជ្រើសរើស ក្រុមប្រឹក្សាឃុំ-សង្កាត់ អា​ណត្តិ​ទី៣ដោយបង្ហាញថាមានគណបក្សចំនួន៧ ក្នុងចំណោមគណបក្សចំនួន១០បាន​ទទួ​ល​អាសនៈ ក្នុងការបោះឆ្នោតនេះ។ អគ្គលេខាធិការ គ.ជ.ប. ឯកឧត្តម ទេព នីថា ថ្លែងនៅ​រសៀល​ថ្ងៃ​ទី​២៤​មិថុនា ឆ្នាំ​២០១២​ថា ការ​បោះឆ្នោត​ជ្រើសរើស​ក្រុមប្រឹក្សា​ឃុំ​សង្កាត់ អាណត្តិ​ទី​៣ មាន​គណបក្ស​ចំនួន ៧ ទទួលបាន​អា​សនៈ នៅក្នុង​ក្រុមប្រឹក្សា​ឃុំ​-​សង្កាត់ ទូទាំង​ប្រទេស​ចំនួន ១.៦៣៣ ឃុំ​សង្កាត់​។ ក្នុងនោះ គណ​បក្ស​ប្រជាជន​កម្ពុជា បាន​នាំមុខ​គេ ។

ឯកឧត្តម​ ទេព នីថា បាន​មានប្រសាសន៍ ថា លទ្ធផល​ផ្លូវការ​នៃ​ការបោះឆ្នោត​ឃុំ​សង្កាត់ អាណ​ត្តិ​ទី​៣ បានបង្ហាញ​ថា គណបក្ស​ប្រជាជន​កម្ពុជា បានទទួល ៨.២៩២ អាសនៈ ដោយ​មាន​តំ​ណែង​​ជា​មេឃុំ​ចៅ​សង្កាត់​ចំនួន ១.៥៩២ ឃុំ​សង្កាត់​។ គណបក្ស​សមរង្ស៊ី បា​ទទួល ២.១៥៥ អាសនៈ និង​តំណែង​ជា​មេឃុំ​ចៅសង្កាត់ ចំនួន ២២ ឃុំ​សង្កាត់​។ គណបក្ស​សិទ្ធិ​មនុ​ស្ស ទទួល​បាន​​ចំនួន ៨០០ អាសនៈ និង​មេឃុំ​ចៅ​សង្កាត់​ចំនួន ១៨ ឃុំ​សង្កាត់​។ គណបក្ស​ហ្វ៊ុនស៊ិនប៉ិច ចំនួន ១៥១ អាសនៈ និង​ឈ្នះ​បាន​មេឃុំ​ចៅ​សង្កាត់​ចំនួន ១​។ គណបក្ស​នរោត្តម​រណឫទ្ធិ ៥២ អាសនៈ​។ គណបក្ស​សម្ព័ន្ធ​ដើម្បី​ប្រជាធិបតេយ្យ ៨ អា សនៈ និង​គណបក្ស​សញ្ជាតិ​កម្ពុជា ទទួលបាន ១ អាសនៈ​។​

ការបោះឆ្នោតជ្រើសរើស ក្រុមប្រឹក្សាឃុំ-សង្កាត់អាណ្ណត្តិទី៣ កាលពីថ្ងៃទី៣ មិថុនា ឆ្នាំ២០១២ កន្លង​ទៅមានគណបក្ស នយោបាយចំនួន១០ បានដាក់បេក្ខភាព ចូលរួម ប្រ កួតប្រជែង ក្នុង​នោះ​មានតែគណបក្សចំនួន៧ទេ ដែលបានទទួលអាសនៈ ហើយគណ បក្សប្រជាជន ទទួល​បាន ខ្ពស់ជាងគេ រហូតដល់ទៅ៨,២៩២អាសនៈ និងគ្រប់គ្រងមេឃុំ-ចៅសង្កាត់ រហូតដល់​ទៅ​១,៥៩២មេឃុំ-ចៅសង្កាត់៕