ព័ត៌មានប្រចាំថ្ងៃ / ព័ត៌មានជាតិ
ក្រសួងធនធានទឹក និងឧតុនិយមព្យាករថា ទឹកទន្លេមេគង្គ នៅក្នុងរដូវវស្សាឆ្នាំនេះ មានជំនន់ធំកើតឡើង
ដោយៈ ហ៊ាង ចាន់រ៉ា
ក្រសួងធនធានទឹក និងឧតុនិយមព្យាករថា ទឹកទន្លេមេគង្គនៅក្នុងរដូវវស្សានេះ មានជំនន់ធំកើតឡើងទៀតហើយ ដោយនៅស្ថានីយជលសាស្ដ្រទន្លេបាសាក់-ចតុមុខ ទឹកអាចនឹងជន់ឡើងដល់កម្រិតកម្ពស់ ១០,៥៥ ម៉ែត្រ គឺឡើងលើសពីកម្ពស់ទឹកដែលត្រូវប្រកាសឱ្យមានការប្រុងប្រយ័ត្ន សម្រាប់ទីក្រុងភ្នំពេញ។
រដ្ឋមន្ដ្រីក្រសួងធនធានទឹក និងឧតុនិយម ឯកឧត្តម លឹម គានហោ មានប្រសាសន៍នៅថ្ងៃទី១៤ ខែមិថុនា ឆ្នាំ២០១២ ថា ទឹកទន្លេមេគង្គនៅស្ថានីយទន្លេបាសាក់-ចតុមុខ ក្នុងរដូវវស្សានេះ អាចនឹងឡើងដល់កម្រិតកម្ពស់ ១០,៥៥ ម៉ែត្រ នៅស្ថានីយទន្លេបាសាក់-ចតុមុខ គឺជាជំនន់ធំទៀតហើយ នេះបើតាមការព្យាករណ៍លើកទីមួយ។ កាលពីឆ្នាំ២០០០ ទឹកទន្លេមេគង្គមានជំនន់ធំនៅភាគខាងក្រោម (ភ្នំពេញ) តែនៅក្នុងឆ្នាំ២០១១ ទឹកទន្លេមេគង្គមានជំនន់ធំនៅភាគខាងលើ (ក្រចេះ ស្ទឹងត្រែង) សម្រាប់ឆ្នាំ២០១២នេះ មិនទាន់ដឹងថា ភាគខាងលើមានជំនន់ធំទៀត ឬយ៉ាងណានោះទេ។
ឯកឧត្តម រដ្ឋមន្ដ្រីមានប្រសាសន៍ទៀតថា កម្ពស់ទឹក ១០,៥៥ ម៉ែត្រនេះ គឺជាការព្យាករណ៍លើកទីមួយ ក្រសួងកំពុងតែធ្វើការតាមដានបន្ដទៀត។ ចំពោះទឹកជំនន់ដែលកំពុងកើតមាននៅក្នុងប្រទេសថៃនោះ គ្មានឥទ្ធិពលដល់ប្រទេសយើងទេ។ ចំណែកស្ថានភាពអាកាសធាតុវិញ គឺមានភ្លៀងធ្លាក់រាយប៉ាយល្អតាំងពីដើមឆ្នាំ ហើយវាកំពុងតែប្រព្រឹត្ដទៅដូចការព្យារកណ៍លើកមួយ ដែលក្រសួងបានជូនដំណឹងនាពេលកន្លងមក។
ក្រសួងធនធានទឹក និងឧតុនិយម បានព្យាករអាកាសធាតុសម្រាប់ឆ្នាំ២០១២ លើកទីមួយ កាលពីខែមីនា ថា នៅទូទាំងប្រទេសមានភ្លៀងធ្លាក់រាយប៉ាយល្អ តាំងពីដើមរដូវវស្សារហូតដល់ចុងរដូវវស្សា និងគ្មានកូនរដូវប្រាំងកើតឡើងក្នុងរដូវវស្សាទេ។ ព្យុះនៅក្នុងតំបន់ឆ្នាំនេះ អាចកើតមានពី ២២ ទៅ ២៤ ព្យុះ។
គូរសម្លឹកថា ទឹកទន្លេមេគង្គនៅស្ថានីយជលសាស្ដ្រទន្លេបាសាក់-ចតុមុខ ក្នុងរដូវវស្សាឆ្នាំ២០១១ បានឡើងដល់កម្រិតអតិបរិមាលើកទី២ កម្ពស់ ១០,៨៥ ម៉ែត្រ នៅថ្ងៃទី២៨ ខែកញ្ញា ឆ្នាំ២០១១។ កាលពីឆ្នាំ២០០០ ទឹកនៅស្ថានីយដដែលនេះ បានឡើងដល់កម្ពស់ ១១,២០ ម៉ែត្រ នៅថ្ងៃទី២០ ខែកញ្ញា ដែលជាកម្ពស់ទឹកខ្ពស់បំផុត៕
រដ្ឋមន្ដ្រីក្រសួងធនធានទឹក និងឧតុនិយម ឯកឧត្តម លឹម គានហោ មានប្រសាសន៍នៅថ្ងៃទី១៤ ខែមិថុនា ឆ្នាំ២០១២ ថា ទឹកទន្លេមេគង្គនៅស្ថានីយទន្លេបាសាក់-ចតុមុខ ក្នុងរដូវវស្សានេះ អាចនឹងឡើងដល់កម្រិតកម្ពស់ ១០,៥៥ ម៉ែត្រ នៅស្ថានីយទន្លេបាសាក់-ចតុមុខ គឺជាជំនន់ធំទៀតហើយ នេះបើតាមការព្យាករណ៍លើកទីមួយ។ កាលពីឆ្នាំ២០០០ ទឹកទន្លេមេគង្គមានជំនន់ធំនៅភាគខាងក្រោម (ភ្នំពេញ) តែនៅក្នុងឆ្នាំ២០១១ ទឹកទន្លេមេគង្គមានជំនន់ធំនៅភាគខាងលើ (ក្រចេះ ស្ទឹងត្រែង) សម្រាប់ឆ្នាំ២០១២នេះ មិនទាន់ដឹងថា ភាគខាងលើមានជំនន់ធំទៀត ឬយ៉ាងណានោះទេ។
ឯកឧត្តម រដ្ឋមន្ដ្រីមានប្រសាសន៍ទៀតថា កម្ពស់ទឹក ១០,៥៥ ម៉ែត្រនេះ គឺជាការព្យាករណ៍លើកទីមួយ ក្រសួងកំពុងតែធ្វើការតាមដានបន្ដទៀត។ ចំពោះទឹកជំនន់ដែលកំពុងកើតមាននៅក្នុងប្រទេសថៃនោះ គ្មានឥទ្ធិពលដល់ប្រទេសយើងទេ។ ចំណែកស្ថានភាពអាកាសធាតុវិញ គឺមានភ្លៀងធ្លាក់រាយប៉ាយល្អតាំងពីដើមឆ្នាំ ហើយវាកំពុងតែប្រព្រឹត្ដទៅដូចការព្យារកណ៍លើកមួយ ដែលក្រសួងបានជូនដំណឹងនាពេលកន្លងមក។
ក្រសួងធនធានទឹក និងឧតុនិយម បានព្យាករអាកាសធាតុសម្រាប់ឆ្នាំ២០១២ លើកទីមួយ កាលពីខែមីនា ថា នៅទូទាំងប្រទេសមានភ្លៀងធ្លាក់រាយប៉ាយល្អ តាំងពីដើមរដូវវស្សារហូតដល់ចុងរដូវវស្សា និងគ្មានកូនរដូវប្រាំងកើតឡើងក្នុងរដូវវស្សាទេ។ ព្យុះនៅក្នុងតំបន់ឆ្នាំនេះ អាចកើតមានពី ២២ ទៅ ២៤ ព្យុះ។
គូរសម្លឹកថា ទឹកទន្លេមេគង្គនៅស្ថានីយជលសាស្ដ្រទន្លេបាសាក់-ចតុមុខ ក្នុងរដូវវស្សាឆ្នាំ២០១១ បានឡើងដល់កម្រិតអតិបរិមាលើកទី២ កម្ពស់ ១០,៨៥ ម៉ែត្រ នៅថ្ងៃទី២៨ ខែកញ្ញា ឆ្នាំ២០១១។ កាលពីឆ្នាំ២០០០ ទឹកនៅស្ថានីយដដែលនេះ បានឡើងដល់កម្ពស់ ១១,២០ ម៉ែត្រ នៅថ្ងៃទី២០ ខែកញ្ញា ដែលជាកម្ពស់ទឹកខ្ពស់បំផុត៕
ផ្ដល់មតិ
ទំព័រ 4 នៃ 1
|
