ព័ត៌មានប្រចាំថ្ងៃ / ព័ត៌មានជាតិ
មនុស្សប្រមាណ៦លាននាក់ និងអ្នកស្រូបផ្សែងបារីពីគេ ៦ សែននាក់ត្រូវស្លាប់ នៅលើពិភពលោកជារៀងរាល់ឆ្នាំ
ដោយៈ ហ៊ាង ចាន់រ៉ា
របាយការណ៍នៅឆ្នាំ២០១១ បង្ហាញថា ការប្រើប្រាស់ថ្នាំជក់ បានបណ្តាលឲ្យស្លាប់មនុស្សប្រមាណ ៦ លាននាក់ នៅលើពិភពលោក និងអ្នកស្រូបផ្សែងបារីពីគេ ៦ សែននាក់ ត្រូវស្លាប់ជារៀងរាល់ឆ្នាំ។ ដោយឡែកនៅកម្ពុជា មានមនុស្សស្លាប់ ១០.០០០ នាក់ ក្នុងមួយឆ្នាំៗ។នេះបើយោងតាមមន្ត្រីអង្គការសុខភាពពិភពលោក ប្រចាំកម្ពុជា ។
ក្នុងសន្និសីទកាសែត ស្តីពីកម្មវិធីបញ្ជ្រាបសារអប់រំផ្សព្វផ្សាយអំពី "កីឡាគ្មានផ្សែងថ្នាំជក់" និងកម្មវិធីប្រកួតកីឡាសិស្ស និស្សិតឧត្តមសិក្សា និងមធ្យមសិក្សា បច្ចេកទេសជ្រើសរើស ជើងឯកប្រចាំឆ្នាំសិក្សា ២០១១-២០១២ កាលពីរសៀលថ្ងៃទី៣០ ខែឧសភា ឆ្នាំ២០១២ នៅស្តាតអូឡាំពិក ក្នុងរាជធានីភ្នំពេញតំណាងអង្គការសុខភាពពិភពលោក (WHO) ប្រចាំកម្ពុជា លោក វេជ្ជបណ្ឌិត យ៉ិល ដារ៉ាវុធ បានលើកឡើងថា មួយថ្ងៃៗ យ៉ាងហោចណាស់ នៅកម្ពុជា មានមនុស្ស ៣០ នាក់ បានស្លាប់ ដោយសារតែជំងឺមកពីការជក់បារីនិងការប្រើប្រាស់ថ្នាំជក់ដូចជាជំងឺមហារីក ជំងឺលើសសម្ពាធឈាម គ្រោះថ្នាក់សសៃឈាមខួរក្បាល និងបេះដូង ជំងឺហើមសួរ រលាកទងសួត ជាដើម។ ដោយឡែកការស្រាវជ្រាវក៏បានបង្ហាញថា ពលរដ្ឋកម្ពុជាម្នាក់ បានចំណាយលុយ ១០.០០០ ដុល្លារ ក្នុងមួយឆ្នាំ ដើម្បីព្យាបាលជំងឺពីការប្រើប្រាស់ថ្នាំជក់។
លោក បានបន្ថែមថា ពលរដ្ឋកម្ពុជា ក៏បានចំណាយលុយជិត ១០០ លានដុល្លារអាមេរិក ក្នុងមួយឆ្នាំ លើការទិញផលិតផលថ្នាំជក់។ ចំណែកពលរដ្ឋកម្ពុជាប្រមាណ ២ លាននាក់ ជាអ្នកជក់បារី និងប្រើប្រាស់ថ្នាំជក់។ ក្នុងនោះ មានបុរសអាយុចាប់ពី ១៨ ឆ្នាំឡើងទៅ ជាអ្នកជក់បារី ចំនួន ៤២,៥% ស្ត្រីជក់បារីចំនួន ៣,៥% និងអ្នកចុកថ្នាំ ចំនួនប្រហែល ១៤%។
លោកវេជ្ជបណ្ឌិត យ៉ិល ដារ៉ាវុធ លើកឡើងថា តួលេខនៃអ្នកជក់បារី និងអ្នកប្រើប្រាស់ថ្នាំជក់ នៅកម្ពុជាជាការព្រួយបារម្ភ ព្រោះរបាយការណ៍នេះ បង្ហាញថា អ្នកប្រើប្រាស់ថ្នាំជក់នៅកម្ពុជា មិនបានថយចុះទេ បើធៀបនឹងការស្រាវជ្រាវកាលពីឆ្នាំ២០០៦។
ជាការកត់សម្គាល់ កម្មវិធីបញ្ជ្រាបសារអប់រំផ្សព្វផ្សាយអំពី "កីឡាគ្មានផ្សែងថ្នាំជក់" និងកម្មវិធីប្រកួតកីឡាសិស្ស និស្សិតឧត្តមសិក្សា និងមធ្យមសិក្សា បច្ចេកទេសជ្រើសរើស ជើងឯកប្រចាំឆ្នាំសិក្សា ២០១១-២០១២ បានធ្វើឡើង ចំពេលដែលពិភពលោក ទិវាពិភពលោក គ្មានថ្នាំជក់ ថ្ងៃទី៣១ឧសភា ក្រោមប្រធានបទ "បញ្ឈប់ការជ្រៀតជ្រែករបស់ឧស្សាហកម្មថ្នាំជក់"៕
ក្នុងសន្និសីទកាសែត ស្តីពីកម្មវិធីបញ្ជ្រាបសារអប់រំផ្សព្វផ្សាយអំពី "កីឡាគ្មានផ្សែងថ្នាំជក់" និងកម្មវិធីប្រកួតកីឡាសិស្ស និស្សិតឧត្តមសិក្សា និងមធ្យមសិក្សា បច្ចេកទេសជ្រើសរើស ជើងឯកប្រចាំឆ្នាំសិក្សា ២០១១-២០១២ កាលពីរសៀលថ្ងៃទី៣០ ខែឧសភា ឆ្នាំ២០១២ នៅស្តាតអូឡាំពិក ក្នុងរាជធានីភ្នំពេញតំណាងអង្គការសុខភាពពិភពលោក (WHO) ប្រចាំកម្ពុជា លោក វេជ្ជបណ្ឌិត យ៉ិល ដារ៉ាវុធ បានលើកឡើងថា មួយថ្ងៃៗ យ៉ាងហោចណាស់ នៅកម្ពុជា មានមនុស្ស ៣០ នាក់ បានស្លាប់ ដោយសារតែជំងឺមកពីការជក់បារីនិងការប្រើប្រាស់ថ្នាំជក់ដូចជាជំងឺមហារីក ជំងឺលើសសម្ពាធឈាម គ្រោះថ្នាក់សសៃឈាមខួរក្បាល និងបេះដូង ជំងឺហើមសួរ រលាកទងសួត ជាដើម។ ដោយឡែកការស្រាវជ្រាវក៏បានបង្ហាញថា ពលរដ្ឋកម្ពុជាម្នាក់ បានចំណាយលុយ ១០.០០០ ដុល្លារ ក្នុងមួយឆ្នាំ ដើម្បីព្យាបាលជំងឺពីការប្រើប្រាស់ថ្នាំជក់។
លោក បានបន្ថែមថា ពលរដ្ឋកម្ពុជា ក៏បានចំណាយលុយជិត ១០០ លានដុល្លារអាមេរិក ក្នុងមួយឆ្នាំ លើការទិញផលិតផលថ្នាំជក់។ ចំណែកពលរដ្ឋកម្ពុជាប្រមាណ ២ លាននាក់ ជាអ្នកជក់បារី និងប្រើប្រាស់ថ្នាំជក់។ ក្នុងនោះ មានបុរសអាយុចាប់ពី ១៨ ឆ្នាំឡើងទៅ ជាអ្នកជក់បារី ចំនួន ៤២,៥% ស្ត្រីជក់បារីចំនួន ៣,៥% និងអ្នកចុកថ្នាំ ចំនួនប្រហែល ១៤%។
លោកវេជ្ជបណ្ឌិត យ៉ិល ដារ៉ាវុធ លើកឡើងថា តួលេខនៃអ្នកជក់បារី និងអ្នកប្រើប្រាស់ថ្នាំជក់ នៅកម្ពុជាជាការព្រួយបារម្ភ ព្រោះរបាយការណ៍នេះ បង្ហាញថា អ្នកប្រើប្រាស់ថ្នាំជក់នៅកម្ពុជា មិនបានថយចុះទេ បើធៀបនឹងការស្រាវជ្រាវកាលពីឆ្នាំ២០០៦។
ជាការកត់សម្គាល់ កម្មវិធីបញ្ជ្រាបសារអប់រំផ្សព្វផ្សាយអំពី "កីឡាគ្មានផ្សែងថ្នាំជក់" និងកម្មវិធីប្រកួតកីឡាសិស្ស និស្សិតឧត្តមសិក្សា និងមធ្យមសិក្សា បច្ចេកទេសជ្រើសរើស ជើងឯកប្រចាំឆ្នាំសិក្សា ២០១១-២០១២ បានធ្វើឡើង ចំពេលដែលពិភពលោក ទិវាពិភពលោក គ្មានថ្នាំជក់ ថ្ងៃទី៣១ឧសភា ក្រោមប្រធានបទ "បញ្ឈប់ការជ្រៀតជ្រែករបស់ឧស្សាហកម្មថ្នាំជក់"៕
ផ្ដល់មតិ
