ព័ត៌មានប្រចាំថ្ងៃ / ព័ត៌មានជាតិ
នាយករដ្ឋមន្ត្រីកម្ពុជា ជំរុញឲ្យថៃ អនុវត្តសាលដីកាតុលាការយុត្តិធម៌អន្តរជាតិ
ដោយៈ ហ៊ាង ចាន់រ៉ា
សម្ដេចនាយករដ្ឋមន្ត្រី ហ៊ុន សែន បានមានប្រសាសន៍ថា កម្ពុជា និងថៃ ដល់ពេលវេលាហើយ ក្នុងការអនុវត្តសាលដីការបស់តុលាការយុត្តិធម៌អន្តរជាតិ ទីក្រុងឡាអេ។ នោះគឺការដកកងទ័ពចេញពីតំបន់ព្រំដែនគ្មានកងទ័ពបណ្តោះអាសន្ន ជិតប្រាសាទព្រះវិហារ។
បន្ទាប់ពីបញ្ចប់ជំនួបរវាងសម្តេចអគ្គមហាសេនាបតីតេជោ ហ៊ុន សែននាយករដ្ឋមន្រ្តីកម្ពុជា ជាមួយរដ្ឋមន្ត្រីការពារជាតិថៃ ឯកឧត្តម សុគុមពល សុវណ្ណាថាត់ ( SUKUMPOL SUWANATAT កាលពីល្ងាចថ្ងៃទី២៨ ខែឧសភា ឆ្នាំ២០១២ នៅវិមានសន្ដិភាព ឯកឧត្តម អ៊ាង សុផល្លែត ជំនួយការផ្ទាល់សម្ដេចនាយករដ្ឋមន្ត្រី បាននាំពាក្យពីជំនូបនោះ ប្រាប់ក្រុមអ្នកព័ត៌មាន ថា សម្ដេចនាយករដ្ឋមន្រ្តី ហ៊ុន សែន បានមានប្រសាសន៍ប្រាប់ រដ្ឋមន្ត្រីការពារជាតិថៃ ថា ដល់ពេលវេលាហើយ ដែលថៃ និងកម្ពុជា ត្រូវអនុវត្តដីកាតុលាការទីក្រុងឡាអេ ហើយឥណ្ឌូនេស៊ី ក៏បានត្រៀមខ្លួនរួចជាស្រេច ការដើរតួ ជាអ្នកសង្កេតការណ៍។
សម្ដេចនាយករដ្ឋមន្ត្រីក៏បានមានប្រសាសន៍ថា ទំនាក់ទំនងរវាង ប្រទេសទាំងពីរកម្ពុជា-ថៃ បានឈានទៅរកភាពល្អ ប្រសើរវិញហើយ ក្រោយពីមានជំនួបជាច្រើនលើកទាំងទ្វេរភាគី និងថ្នាក់តំបន់។
សម្តេចបានលើកទឹកចិត្ត ឲ្យមានជំនួបគ្នាក្នុងក្របខណ្ឌកិច្ចប្រជុំគណៈកម្មាធិការទូទៅ GBC អង្គភាព និងអង្គភាព ខេត្ត និងខេត្ត ដើម្បីជំរុញកិច្ចសហប្រតិបត្តិការលើផ្នែកពាណិជ្ជកម្ម នៃប្រទេសទាំងពីរ ទាំងនៅតាមបណ្តាព្រំដែន និង តាមតំបន់ជាដើម។
សម្តេចបាន ជំរុញឲ្យអាជ្ញារធរខេត្ត និងខេត្ត តាមបណ្តោយព្រំដែនកម្ពុជា-ថៃ ពិនិត្យ លើការបើកទីផ្សារនៅតាមតំបន់ព្រំដែនឲ្យបានកាន់តែច្រើនថែមទៀត សម្រាប់ប្រជាជនទាំងពីរផងដែរ។
រដ្ឋមន្ត្រីការពារជាតិថៃ សុវណ្ណាថាត់ ឆ្លើយតបសម្តេចដោយ យល់ស្របជាមួយនឹងប្រសាសន៍របស់សម្ដេចនាយករដ្ឋមន្ត្រី ហ៊ុន សែន ហើយបានមានប្រសាសន៍ថា ឯកឧត្តម នឹងអនុវត្តតាមប្រសាសន៍របស់សម្ដេច ហ៊ុន សែន។ ពាក់ព័ន្ធនឹងបញ្ហាព្រំដែន ឯកឧត្តម ក៏បានមានប្រសាសន៍ថា ឯកឧត្តមនឹងបន្តពិភាក្សា និងធ្វើការបន្តជាមួយភាគីកម្ពុជា។
រដ្ឋមន្ត្រីការពារជាតិថៃរូបនេះបានយល់ស្របចំពោះបញ្ហានេះ ហើយភាគី ថៃ និងកម្ពុជា ត្រូវតែអនុវត្តន៍ តាមដីកាតុលាការទីក្រុងឡាអេ។ ភាគីទាំងពីរបានព្រមព្រៀងគ្នា យកបញ្ហានេះ ទៅពិភាក្សាបន្តនាខែ មិថុនា ខាងមុខនេះ៕
បន្ទាប់ពីបញ្ចប់ជំនួបរវាងសម្តេចអគ្គមហាសេនាបតីតេជោ ហ៊ុន សែននាយករដ្ឋមន្រ្តីកម្ពុជា ជាមួយរដ្ឋមន្ត្រីការពារជាតិថៃ ឯកឧត្តម សុគុមពល សុវណ្ណាថាត់ ( SUKUMPOL SUWANATAT កាលពីល្ងាចថ្ងៃទី២៨ ខែឧសភា ឆ្នាំ២០១២ នៅវិមានសន្ដិភាព ឯកឧត្តម អ៊ាង សុផល្លែត ជំនួយការផ្ទាល់សម្ដេចនាយករដ្ឋមន្ត្រី បាននាំពាក្យពីជំនូបនោះ ប្រាប់ក្រុមអ្នកព័ត៌មាន ថា សម្ដេចនាយករដ្ឋមន្រ្តី ហ៊ុន សែន បានមានប្រសាសន៍ប្រាប់ រដ្ឋមន្ត្រីការពារជាតិថៃ ថា ដល់ពេលវេលាហើយ ដែលថៃ និងកម្ពុជា ត្រូវអនុវត្តដីកាតុលាការទីក្រុងឡាអេ ហើយឥណ្ឌូនេស៊ី ក៏បានត្រៀមខ្លួនរួចជាស្រេច ការដើរតួ ជាអ្នកសង្កេតការណ៍។
សម្ដេចនាយករដ្ឋមន្ត្រីក៏បានមានប្រសាសន៍ថា ទំនាក់ទំនងរវាង ប្រទេសទាំងពីរកម្ពុជា-ថៃ បានឈានទៅរកភាពល្អ ប្រសើរវិញហើយ ក្រោយពីមានជំនួបជាច្រើនលើកទាំងទ្វេរភាគី និងថ្នាក់តំបន់។
សម្តេចបានលើកទឹកចិត្ត ឲ្យមានជំនួបគ្នាក្នុងក្របខណ្ឌកិច្ចប្រជុំគណៈកម្មាធិការទូទៅ GBC អង្គភាព និងអង្គភាព ខេត្ត និងខេត្ត ដើម្បីជំរុញកិច្ចសហប្រតិបត្តិការលើផ្នែកពាណិជ្ជកម្ម នៃប្រទេសទាំងពីរ ទាំងនៅតាមបណ្តាព្រំដែន និង តាមតំបន់ជាដើម។
សម្តេចបាន ជំរុញឲ្យអាជ្ញារធរខេត្ត និងខេត្ត តាមបណ្តោយព្រំដែនកម្ពុជា-ថៃ ពិនិត្យ លើការបើកទីផ្សារនៅតាមតំបន់ព្រំដែនឲ្យបានកាន់តែច្រើនថែមទៀត សម្រាប់ប្រជាជនទាំងពីរផងដែរ។
រដ្ឋមន្ត្រីការពារជាតិថៃ សុវណ្ណាថាត់ ឆ្លើយតបសម្តេចដោយ យល់ស្របជាមួយនឹងប្រសាសន៍របស់សម្ដេចនាយករដ្ឋមន្ត្រី ហ៊ុន សែន ហើយបានមានប្រសាសន៍ថា ឯកឧត្តម នឹងអនុវត្តតាមប្រសាសន៍របស់សម្ដេច ហ៊ុន សែន។ ពាក់ព័ន្ធនឹងបញ្ហាព្រំដែន ឯកឧត្តម ក៏បានមានប្រសាសន៍ថា ឯកឧត្តមនឹងបន្តពិភាក្សា និងធ្វើការបន្តជាមួយភាគីកម្ពុជា។
រដ្ឋមន្ត្រីការពារជាតិថៃរូបនេះបានយល់ស្របចំពោះបញ្ហានេះ ហើយភាគី ថៃ និងកម្ពុជា ត្រូវតែអនុវត្តន៍ តាមដីកាតុលាការទីក្រុងឡាអេ។ ភាគីទាំងពីរបានព្រមព្រៀងគ្នា យកបញ្ហានេះ ទៅពិភាក្សាបន្តនាខែ មិថុនា ខាងមុខនេះ៕
ផ្ដល់មតិ
