ព័ត៌មានប្រចាំថ្ងៃ / ព័ត៌មានជាតិ
នាយករដ្ឋមន្រ្តី សម្រេចបង្កើតគណៈកម្មការ ចម្រុះស៊ើបអង្កេតលើករណីស្លាប់ ប្រធាន អង្គការការពារធនធានធម្មជាតិ និងសមត្ថ កិច្ចអាវុធហត្ថ
ដោយៈ ហ៊ាង ចាន់រ៉ា
ក្រោយពីមាន ករណីបាញ់សម្លាប់ លោក ឈុត វុទ្ធី ប្រធានអង្គការការពារធនធានធម្មជាតិ និងសមត្ថកិច្ចអាវុធហត្ថ លោក អ៊ិន រតនា កាលពីថ្ងៃទី២៦ ខែមេសា ឆ្នាំ២០១២ នៅស្រុកមណ្ឌលសីមា ខេត្តកោះកុង ដោយក្រុមប្រដាប់អាវុធមិនស្គាល់អត្តសញ្ញាណនោះ ប្រមុខរាជរដ្ឋាភិបាល សម្ដេចនាយករដ្ឋមន្ត្រី ហ៊ុន សែន បានចេញសេចក្ដីសម្រេចបង្កើតគណៈកម្មការចម្រុះស៊ើបអង្កេតករណីនេះ។
សេចក្ដីសម្រេចរបស់ប្រមុខរាជរដ្ឋាភិបាលចំនួន ៧ប្រការ មានខ្លឹមសារដូចខាងក្រោម : ប្រការ១ : បង្កើតគណៈកម្មការចម្រុះស៊ើបអង្កេតករណីស្លាប់ឈ្មោះ ឈុត វុទ្ធី និងឈ្មោះ អ៊ិន រតនា កាលពីថ្ងៃទី២៦ ខែមេសាឆ្នាំ២០១២ នៅស្រុកមណ្ឌលសីមា ខេត្តកោះកុង ដែលមានសមាសភាពដូចខាងក្រោម :
១. ឯកឧត្តម ឧត្តមសេនីយ៍ឯក ម៉ក់ ជីតូ ប្រធាននាយកដ្ឋានកណ្ដាលយុត្តិធម៌ នៃអគ្គស្នងការដ្ឋាននគរបាលជាតិ ក្រសួងមហាផ្ទៃ (ប្រធាន)
២. ឯកឧត្តម ឧត្តមសេនីយ៍ទោ ស៊ិន សូផាន្នី មេបញ្ជាការរង និងជាស្នងការនៃស្នងការដ្ឋានស្រាវជ្រាវ និងយុត្តិធម៌ បញ្ជាការដ្ឋានកងរាជអាវុធហត្ថលើផ្ទៃប្រទេស (អនុប្រធាន)
៣. ឯកឧត្តម ទិត សុធា អនុប្រធានអង្គភាពព័ត៌មាន និងប្រតិកម្មរហ័ស នៃទីស្ដីការគណៈរដ្ឋមន្ត្រី (សមាជិក)
៤. លោក គឹម សន្ដិភាព អគ្គនាយករង អគ្គនាយកដ្ឋានបច្ចេកទេស ក្រសួងយុត្តិធម៌ (សមាជិក)
៥. លោក សោម សាបាន អនុប្រធាននាយកដ្ឋាន ទទួលពាក្យបណ្ដឹង និងអង្កេត ស្រាវជ្រាវ នៃក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច (សមាជិក)
ប្រការ២ : គណៈកម្មការចម្រុះមានភារកិច្ច ដូចតទៅ :
- ដឹកនាំស៊ើបអង្កេតករណីស្លាប់ឈ្មោះ ឈុត វុទ្ធី និងឈ្មោះ អ៊ិន រតនា កាលពីថ្ងៃ២៦ ខែមេសា ឆ្នាំ២០១២ នៅក្នុងភូមិសាស្ដ្រ ស្រុកមណ្ឌលសីមា ខេត្តកោះកុង
- ស្រាវជ្រាវរកមុខសញ្ញាដែលមានការពាក់ព័ន្ធក្នុងករណីសម្លាប់
- ស្រាវជ្រាវរកភស្ដុតាង (សាក្សី និងវត្ថុតាង) ក្នុងករណីសម្លាប់
-សហការជាមួយអាជ្ញាធរមានសមត្ថកិច្ចដែនដី ស្ថាប័នច្បាប់ និងស្ថាប័នដែលមានពាក់ព័ន្ធ អនុវត្តច្បាប់ដោយម៉ឺងម៉ាត់បំផុតចំពោះមុខសញ្ញាប្រព្រឹត្តបទល្មើស ដែលមានការពាក់ព័ន្ធក្នុងករណីសម្លាប់នេះ
- ផ្អែកលើលទ្ធផល នៃការស៊ើបអង្កេតប្រកបដោយភាពយុត្តិធម៌ ត្រូវធ្វើរបាយការណ៍ និងការសន្និដ្ឋានឲ្យបានច្បាស់លាស់ករណីសម្លាប់នេះ រាយការណ៍ជូនប្រមុខរាជរដ្ឋាភិបាល។
ប្រការ៣ : គណៈកម្មការចម្រុះនេះ អាចប្រើប្រាស់មន្ត្រីក្រោមឱវាទ ដើម្បីជួយបំពេញការងារខាងលើ និងមានសិទ្ធិបង្កើតក្រុមការងារមួយចំនួនតាមការចាំបាច់។
ប្រការ៤ : គណៈកម្មការចម្រុះនេះ មានសិទ្ធិប្រើប្រាស់ត្រារបស់អគ្គស្នងការដ្ឋាននបាលជាតិ ក្នុងករណីពាក់ព័ន្ធខាងលើ។
ប្រការ៥ : ទីតាំងបំពេញការងាររបស់គណៈកម្មការចម្រុះ អាស្រ័យលើប្រធានគណៈកម្មការជាអ្នកសម្រេច។
ប្រការ៦ : អនុប្រធាន និងសមាជិកគណៈកម្មការចម្រុះអាស្រ័យលើប្រធានគណៈកម្មការជាអ្នកសម្រេច។
ប្រការ៧ : រដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រី រដ្ឋមន្ត្រីក្រសួងមហាផ្ទៃ រដ្ឋមន្ត្រីក្រសួងការពារជាតិ រដ្ឋមន្ត្រី រដ្ឋលេខាធិការ អភិបាលខេត្តពាក់ព័ន្ធ អគ្គស្នងការនគរបាលជាតិ មេបញ្ជាការកងរាជអាវុធហត្ថលើផ្ទៃប្រទេស និងសមាសភាពដូចមានចែងក្នុងប្រការ១ មានភារកិច្ចអនុវត្តសេចក្ដីសម្រេចនេះ ឲ្យមានប្រសិទ្ធភាព ចាប់ពីថ្ងៃចុះហត្ថលេខាតទៅ៕
សេចក្ដីសម្រេចរបស់ប្រមុខរាជរដ្ឋាភិបាលចំនួន ៧ប្រការ មានខ្លឹមសារដូចខាងក្រោម : ប្រការ១ : បង្កើតគណៈកម្មការចម្រុះស៊ើបអង្កេតករណីស្លាប់ឈ្មោះ ឈុត វុទ្ធី និងឈ្មោះ អ៊ិន រតនា កាលពីថ្ងៃទី២៦ ខែមេសាឆ្នាំ២០១២ នៅស្រុកមណ្ឌលសីមា ខេត្តកោះកុង ដែលមានសមាសភាពដូចខាងក្រោម :
១. ឯកឧត្តម ឧត្តមសេនីយ៍ឯក ម៉ក់ ជីតូ ប្រធាននាយកដ្ឋានកណ្ដាលយុត្តិធម៌ នៃអគ្គស្នងការដ្ឋាននគរបាលជាតិ ក្រសួងមហាផ្ទៃ (ប្រធាន)
២. ឯកឧត្តម ឧត្តមសេនីយ៍ទោ ស៊ិន សូផាន្នី មេបញ្ជាការរង និងជាស្នងការនៃស្នងការដ្ឋានស្រាវជ្រាវ និងយុត្តិធម៌ បញ្ជាការដ្ឋានកងរាជអាវុធហត្ថលើផ្ទៃប្រទេស (អនុប្រធាន)
៣. ឯកឧត្តម ទិត សុធា អនុប្រធានអង្គភាពព័ត៌មាន និងប្រតិកម្មរហ័ស នៃទីស្ដីការគណៈរដ្ឋមន្ត្រី (សមាជិក)
៤. លោក គឹម សន្ដិភាព អគ្គនាយករង អគ្គនាយកដ្ឋានបច្ចេកទេស ក្រសួងយុត្តិធម៌ (សមាជិក)
៥. លោក សោម សាបាន អនុប្រធាននាយកដ្ឋាន ទទួលពាក្យបណ្ដឹង និងអង្កេត ស្រាវជ្រាវ នៃក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច (សមាជិក)
ប្រការ២ : គណៈកម្មការចម្រុះមានភារកិច្ច ដូចតទៅ :
- ដឹកនាំស៊ើបអង្កេតករណីស្លាប់ឈ្មោះ ឈុត វុទ្ធី និងឈ្មោះ អ៊ិន រតនា កាលពីថ្ងៃ២៦ ខែមេសា ឆ្នាំ២០១២ នៅក្នុងភូមិសាស្ដ្រ ស្រុកមណ្ឌលសីមា ខេត្តកោះកុង
- ស្រាវជ្រាវរកមុខសញ្ញាដែលមានការពាក់ព័ន្ធក្នុងករណីសម្លាប់
- ស្រាវជ្រាវរកភស្ដុតាង (សាក្សី និងវត្ថុតាង) ក្នុងករណីសម្លាប់
-សហការជាមួយអាជ្ញាធរមានសមត្ថកិច្ចដែនដី ស្ថាប័នច្បាប់ និងស្ថាប័នដែលមានពាក់ព័ន្ធ អនុវត្តច្បាប់ដោយម៉ឺងម៉ាត់បំផុតចំពោះមុខសញ្ញាប្រព្រឹត្តបទល្មើស ដែលមានការពាក់ព័ន្ធក្នុងករណីសម្លាប់នេះ
- ផ្អែកលើលទ្ធផល នៃការស៊ើបអង្កេតប្រកបដោយភាពយុត្តិធម៌ ត្រូវធ្វើរបាយការណ៍ និងការសន្និដ្ឋានឲ្យបានច្បាស់លាស់ករណីសម្លាប់នេះ រាយការណ៍ជូនប្រមុខរាជរដ្ឋាភិបាល។
ប្រការ៣ : គណៈកម្មការចម្រុះនេះ អាចប្រើប្រាស់មន្ត្រីក្រោមឱវាទ ដើម្បីជួយបំពេញការងារខាងលើ និងមានសិទ្ធិបង្កើតក្រុមការងារមួយចំនួនតាមការចាំបាច់។
ប្រការ៤ : គណៈកម្មការចម្រុះនេះ មានសិទ្ធិប្រើប្រាស់ត្រារបស់អគ្គស្នងការដ្ឋាននបាលជាតិ ក្នុងករណីពាក់ព័ន្ធខាងលើ។
ប្រការ៥ : ទីតាំងបំពេញការងាររបស់គណៈកម្មការចម្រុះ អាស្រ័យលើប្រធានគណៈកម្មការជាអ្នកសម្រេច។
ប្រការ៦ : អនុប្រធាន និងសមាជិកគណៈកម្មការចម្រុះអាស្រ័យលើប្រធានគណៈកម្មការជាអ្នកសម្រេច។
ប្រការ៧ : រដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រី រដ្ឋមន្ត្រីក្រសួងមហាផ្ទៃ រដ្ឋមន្ត្រីក្រសួងការពារជាតិ រដ្ឋមន្ត្រី រដ្ឋលេខាធិការ អភិបាលខេត្តពាក់ព័ន្ធ អគ្គស្នងការនគរបាលជាតិ មេបញ្ជាការកងរាជអាវុធហត្ថលើផ្ទៃប្រទេស និងសមាសភាពដូចមានចែងក្នុងប្រការ១ មានភារកិច្ចអនុវត្តសេចក្ដីសម្រេចនេះ ឲ្យមានប្រសិទ្ធភាព ចាប់ពីថ្ងៃចុះហត្ថលេខាតទៅ៕
ផ្ដល់មតិ
