រដ្ឋមន្ត្រី​ក្រសួងកសិកម្ម រុក្ខាប្រមាញ់និង​នេសាទឯកឧត្តមច័ន្ទ សារុន បានចេញ​សេចក្ដីប្រកាស ស្តីពី ការរំសាយ​តំបន់​ជំងឺផ្តាសាយបក្សី ចំនួន​មួយកន្លែង នៅ​ភូមិ​អូរ​ពងមាន់ ឃុំ​តា​ក្រៀម ស្រុក​បាណន់ ខេត្តបាត់ដំបង គឺ​ត្រូវបាន​អនុញ្ញាត​ឲ្យ​ចិញ្ចឹម​បក្សី​គ្រប់​ប្រភេទ​ឡើងវិញ​។

​បើ​យោង តាម​សេចក្តីប្រកាស​របស់ឯកឧត្ត​មច័ន្ទ សារុន រដ្ឋមន្ត្រី​ក្រសួងកសិកម្ម រុក្ខាប្រមាញ់ និង​នេសាទ ចុះ​ថ្ងៃទី​២៦ ខែមីនា ឆ្នាំ​២០១២ ហើយត្រូវបានផ្សព្វផ្សាយ​ជា​សាធារណៈ​នៅ​ថ្ងៃទី​១០ ខែមេសា ឆ្នាំ​២០១២​ បាន​ឲ្យ​ដឹងថា អគ្គលេខាធិការ អគ្គាធិការ នាយក​ខុទ្ទកាល័យ ប្រធាន​នាយ កដ្ឋាន​នីតិកម្ម​កសិកម្ម ប្រធាន​នាយកដ្ឋាន​កិច្ចការរដ្ឋបាល ប្រធាន​នាយកដ្ឋាន​ផែនការ និង​ស្ថិតិ ប្រធាន​នាយកដ្ឋាន​សហប្រតិបត្តិ​ការ​អន្តរជាតិ ប្រធាន​នាយកដ្ឋាន​គណនេយ្យ ហិរញ្ញ វត្ថុ ប្រធាន​នាយកដ្ឋាន​ផលិតកម្ម និង​បសុព្យាបាល ប្រធាន​មន្ទីរ​ខេត្តបាត់ដំបង ត្រូវ​ទទួលបន្ទុក​អនុវត្ត​ប្រកាស​នេះ តាម​ភារកិច្ច​រៀងៗ​ខ្លួន​ឲ្យ​មាន​ប្រសិទ្ធភាព​៕ ​